26 Август 2024
383
Ёш баскетболчиларимиз Жаҳон кубогидаги иштирокларини бошлашмоқда
Бугун Венгриянинг Дебрецен шаҳрида баскетболнинг 3х3 йўналиши бўйича U18 ёш тоифасидаги Жаҳон кубоги старт олади. 30 августга қадар давом этадиган ушбу нуфузли турнирда Ўзбекистон терма жамоаси ҳам иштирок этади.
Қуръага кўра, жамоамиз «С» гуруҳида Германия, Қатар ва Венгрия билан баҳс олиб боради. Бугун ҳамюртларимиз Қатар ва Германияга қарши 1 ва 2-тур учрашувларини ўтказишади. 28 август куни эса мезбонларга қарши ўйин кутиб турибди. Регламентга мувофиқ, гуруҳда энг юқори натижа қайд этган икки жамоа чорак финалда ўз юришини давом эттиради.
Мусобақада Амир Нарзуллаев, Иля Мезенсев, Фарруҳ Собиров ҳамда Муҳаммадамин Марасулов юртимиз шарафини ҳимоя қилишади.
