Оғир атлетикачиларимиз Олимпиада олдидан сўнгги йиғинга жўнаб кетишди
Бугун тунда оғир атлетика бўйича Ўзбекистон терма жамоаси Токио-2020 Олимпиадаси олдидан сўнгги ўқув-машғулот йиғинини ўтказиш учун Украинанинг Каменец-Подольский шаҳрига йўл олди.
Мазкур йиғин роппа-роса 1 ойга мўлжалланган бўлиб, 20 июль куни Токио-2020 лицензиатлари Адҳамжон Эргашев, Акбар Жўраев, Муаттар Набиева ҳамда Кумушхон Файзуллаева мураббийларимиз билан Токио шаҳрига йўл олишади. Қолган вакилларимиз эса яна 1 ҳафталик машғулотлардан сўнг 29 июль куни Тошкентга қайтиб келишади. Жамоамиз Украинага қуйидаги таркибда қўл олди:
Спортчилар:
Адҳамжон Эргашев
Акбар Жўраев
Сарвар Зафаржонов
Муҳаммадқодир Тоштемиров
Руслан Нурудинов
Муаттар Набиева
Кумушхон Файзуллаева
Турсуной Жабборова
Мураббийлар:
Баҳром Мендибоев
Ержас Болтаев
Массажчи:
Обиддин Муслимов
