15 Июль 2024
437
Футболчиларимизнинг ўртоқлик учрашувидаги рақиби ўзгарди
Париж-2024 ёзги Олимпия ўйинларига тайёргарлик кўраётган футбол бўйича Ўзбекистон олимпия терма жамоаси бугун Гвинея олимпиячиларига қарши ўртоқлик учрашувини ўтказиши режалаштирилган эди. Ўзбекистон футбол ассоциациясининг маълум қилишича, Гвинея жамоаси мазкур ўйинда иштирок эта олмаслигини билдирган.
ЎФА қисқа фурсат ичида мазкур ўртоқлик ўйини учун бошқа рақиб топиш устида иш олиб борди. Унга кўра, Тимур Кападзе қўл остидаги жамоа бугун Франциянинг "Reysing Grass" клубига қарши майдонга тушадиган бўлди.
