Ўзбек ва жаҳон спортининг афсонаси Оксана Чусовитина 46 ёшга тўлди!
Бугун ўзбек ва жаҳон спортининг афсонавий спортчиси Оксана Чусовитина ўзининг туғилган кунини нишонламоқда.
Чусовитина Оксана Александровна 1975 йил 19 июнда Бухорода туғилган. 7 та ёзги олимпиадаларда иштирок этган гимнастика тарихидаги ягона аёл (1992, 1996, 2000, 2004, 2008, 2012, 2016). 1992-йил Олимпия ўйинлари чемпиони (Барселона), 2008-йил Олимпиада ўйинлари кумуш медали совриндори (Пекин), уч карра жаҳон чемпиони.
Спорт гимнастикасининг бир нечта мураккаб элементлари, таянч ўтиш, эркин машқлар ва параллел чизиқлар муаллифи. Осиё ўйинлари ва Осиё чемпионати совриндори. У етти ёзги Олимпия ўйинларида иштирок этишга муваффақ бўлган гимнастика тарихидаги ягона аёл ва спорт гимнастикасининг халқаро "Шон-Шуҳрат зали"га киритилган биринчи спортчи сифатида Гиннес рекордлар китобига киритилган.
2019 йилнинг октябр ойида у Германиянинг Штуттгард шаҳрида бўлиб ўтган жаҳон гимнастика чемпионатида иштирок этиб, Токиодаги Олимпия ўйинлари учун лицензия олди. Токио Олимпиадаси Оксана Чусовитина учун саккизинчиси бўлади. Ўзбекистон Республикасида хизмат кўрсатган спортчи, "Ўзбекистон ифтихори" фахрий унвони соҳиби, "Дўстлик", "Меҳнат шуҳрати", "Эл-юрт ҳурмати"орденлари билан тақдирланди.
Ўзбекистон Миллий Олимпия қўмитаси Оксана Чусовитинани туғилган куни билан самимий муборакбод этади, унга сиҳат-саломатлик, бахт-саодат, омад ва фаровонлик тилайди.
