4 Июль 2024
433
Лицензиат камончиларимиз Тошкентда йиғин ўтказишмоқда
Камондан отиш бўйича Ўзбекистон терма жамоаси аъзолари пойтахтимиздаги Республика Олимпия ва Паралимпия ўйинларига тайёрлаш марказида ўқув-машғулот йиғинини олиб бормоқда. Машғулотларга Париж-2024 лицензиатлари Зиёдахон Абдусатторова ҳамда Амирхон Содиқовдан ташқари терма жамоанинг бошқа аъзолари ҳам жалб қилинган.
Эслатиб ўтамиз, Ўзбекистон делегацияси мазкур спорт турида Олимпия ўйинларида дебют қилади ва илк иштирокининг ўзида 3 та лицензияга сазовор бўлган. Париж-2024 доирасида камондан отиш баҳслари 25 июль – 4 август кунлари ўтказилади.