18 Июнь 2021
1995
Пара-сузиш: Жаҳон сериясини 2 та медаль билан бошладик
Пара-сузувчиларимиз айни кунларда Берлин шаҳрида Жаҳон сериясига кирувчи мусобақада иштирок этишмоқда. Мазкур турнирда дунёнинг 39 та давлатидан жами 411 нафар спортчи баҳс олиб бормоқда.
Берлиндаги мусобақанинг дастлабки кунида 100 метр масофага баттерфляй усулида сузиш бўйича 2 нафар спортчимиз шоҳсупага кўтарилди. Аёллар ўртасидаги беллашувларда Шоҳсанам Тошпўлатова олтин, эркаклар ўртасидаги баҳсда эса Музаффар Турсунхўжаев бронза медалга сазовор бўлди.
Шоҳсанам 100 метр масофани 1:06.30 дақиқада босиб ўтган бўлса, Музаффарда ушбу кўрсатгич 57.34 сонияни ташкил қилди.
Спортчиларимиз яна сузишнинг 200 метр индивидуал комплекс, 100 метр чалқанча, 50 метр эркин ва 100 метр брасс усулларида стартга чиқишади.
