14 Июнь 2024
747
Камондан отиш бўйича якуний лицензион турнир старт олди
Туркиянинг Анталmя шаҳрида камондан отиш бўйича Париж-2024 жаҳон лицензион турнири бошланди. Дастурга кўра, бугун аёллар, эртага эркаклар ўртасида жамоавий йўналишда ғолиб ва совриндорлар ҳамда бўлажак Олимпиада иштирокчилари аниқ бўлади.
Айни пайтда спортчилар якка тартибда саралаш босқичида ўқ узишмоқда. Ҳар бир жамоа аъзоларининг тўплаган балларига қараб плей-офф босқичининг қуръаси шакллантирилади ва медаллар учун кураш давом эттирилади. Эслатиб ўтамиз, бугунги баҳсларда Зиёдахон Абдусатторова, Нилуфар Ҳамроева ҳамда Жасмина Нурманова юртимиз шарафини ҳимоя қилишмоқда.
