1 Июнь 2024
528
Шоҳруҳ Давлатов ва Екатерина Тунгусковага BYD машиналари тақдим этилди
Жорий йилнинг 21 апрель куни пойтахтимиз мезбонлик қилган Тошкент VI халқаро марафонида ҳамюртларимиз Шоҳруҳ Давлатов ва Екатерина Тунгускова бош соврин – BYD машинасини ютиб олишган эди. Бугун Тошкентда ўтаётган енгил атлетика бўйича Ўзбекистон очиқ чемпионатида ҳар икки спортчига совринлари тантанали равишда топширилди.
Тақдирлаш маросимида МОҚ Бош котиби Ойбек Касимов, мамлакат енгил атлетика федерацияси раҳбарияти ва спортчилар иштирок этишди. Унда сўз олган Ойбек Омилович атлетларимизни қўлга киритилган муваффақият билан қутлаб, уларнинг келгуси фаолиятида ҳам омад тилади.
