1 Июнь 2024
518
Енгил атлетика бўйича яна бир халқаро турнир бошланди
Бугун Тошкентда енгил атлетика бўйича Ўзбекистон очиқ чемпионати бошланди. 2 июнга қадар давом этадиган мусобақада ҳамюртларимиздан ташқари Тожикистон, Қозоғистон ва Украинадан ташриф буюрган жами 355 нафар атлет ғолиблик учун кураш олиб боради.
Баҳсларда Шарифа Давронова, Светлана Радзивил, Сафина Садуллаева, Суҳроб Ходжаев каби терма жамоамиз етакчилари олтин медаллар учун рақобат олиб боришади. Қайд этиш жоиз, ушбу турнир Бутунжаҳон енгил атлетика федерацияси тақвимидан ўрин олган бўлиб, унда Париж-2024 нормативини бажарган спортчилар Олимпиада йўлланмасини қўлга киритишлари ёки қимматли рейтинг очколарини жамғаришлари мумкин. Мусобақада жами 45 дастурда медаллар жамланмаси ўйналади.
