Астанадаги "Катта дубулға" турнирида иккинчи кун баҳслари ўтказилади
Бугун Қозоғистонда дзюдо бўйича Астана “Катта дубулға” турнирининг иккинчи кун беллашувлари бўлиб ўтади. Ўрта вазн тоифасида кечадиган баҳсларда Ўзбекистон терма жамоасининг беш нафар аъзоси медаллар учун кураш олиб боради. Улар мусобақани қуйидаги рақибларига қарши бошлашади:
-73 кг: Муҳаммадяҳё Муҳаммаджонов – Муса Шабданбеков (Қирғизистон) / Дастан Шаяхметов (Қозоғистон)
-81 кг: Шарофиддин Болтабоев – Теодорос Демоурсидис (Греция) / Доминик Рессел (Германия)
-81 кг: Нурбек Муртазоев – Мади Амангелди (Қозоғистон) / Алан Хубетсов (Нейтрал спортчи)
-70 кг: Гулноза Матниязова – Фидан Огел (Туркия)
-70 кг: Шоҳиста Назарова – Эбони Далей (Ямайка)
Кеча иштирок этган ҳамюртларимиздан фақатгина Шукуржон Аминова (-57 кг) бронза медали учун курашиш босқичигача етиб борди. Бироқ унда япониялик Харука Фунакубога имкониятни бой берди.
