Париж-2024 лицензиатлари: Осиё ўйинлари совриндори Озода Собиржонова
4 йилликнинг энг нуфузли мусобақасида иштирок этадиган ҳамюртларимизни таништиришда давом этамиз. Бу галги қаҳрамонимиз таэквондо WT бўйича Ўзбекистон терма жамоаси аъзоси Озода Собиржонова.
Собиржонова Озода Обиджон қизи 2002 йилнинг 7 декабрь санасида Жиззах вилояти Зомин туманида дунёга келган. 2017 йилдан Ўзбекистон терма жамоаси аъзоси. Дастлаб таэквондо сирларини Дадахон Ғаффоровдан ўрганган Собиржонова ҳозирда Жасур Бойқўзиев қўл остида Париж-2024 ёзги Олимпия ўйинларига ҳозирлик кўрмоқда. 2018 йил ёшлар ўртасида ўтказилган жаҳон чемпионатида кумуш, 2019 йил тенгқурлари орасидаги қитъа биринчилигида бронза медали соҳибига айланган. Ханчжоу-2022 Осиё ўйинларида аралаш жамоавий дастурда бронза медалига эга чиққан.
Жорий йил Хитойнинг Таян шаҳрида ўтган Осиё лицензион турниридаги муваффақиятли иштироки орқали -67 кг вазн тоифасида Париж-2024 ёзги Олимпия ўйинлари йўлланмасини қўлга киритган.
