28 Апрель 2024
442
Конкурчилар Гран-при дастурида беллашишди
Пойтахтимиздаги «Универсал Ҳорсес Стабле» мажмуасида от спортининг конкур йўналиши бўйича «FEI JUMPING WORLD CUP EURASIAN LEAGUE» турнири қизғин баҳсларга бой бўлмоқда. Навбатдаги кун чавандозлар Гран-при дастурида куч синашишди.
150 см баландликдаги тўсиқлардан сакраш бўйича ўтган дастлабки чиқишда қирғизистонлик Елена Соколова («Jacpot TN» лақабли отда) олтин медални қўлга киритган бўлса, ҳамюртимиз Хуршидбек Алимжонов («Champions League») кумуш ва қирғизистонлик Ринат Галимов («KhanTengri») бронза медалини бўлишиб олишди. Иккинчи машқда омад Алимжонов ва унинг доимий тулпорига насиб этди. Галимов бу гал кумуш, Беларуслик Сергей Антонович эса («Quasar») бронза медали билан тақдирланди.
