23 Апрель 2024
736
Ёш хоккейчиларимиз Осиё-Океания чемпионатини йирик ҳисобдаги ғалаба билан бошлашди
Бугун мамлакатимизда хоккей бўйича У18 ёш тоифасида Осиё-Океания чемпионати старт олди. Тошкент ва Самарқанд шаҳарлари мезбонлик қиладиган мусобақада биринчи тур учрашувлари ўтказилди.
Мусобақанинг амалдаги чемпиони ҳисобланган ҳамюртларимиз дастлабки ўйинни эронлик ёшларга қарши ўтказиб, рақибни йирик 19:0 ҳисобида мағлубиятга учратишди. «Ҳумо арена» мажмуаси мезбонлик қилган баҳсдан олдин тантанали очилиш маросими бўлиб ўтди. Унда Халқаро муз устида хоккей федерацияси, Ўзбекистон Республикаси Спорт вазирлиги, Миллий Олимпия қўмитаси раҳбарияти иштирок этди.
Маълумот учун, жамоамиз мусобақада «А» гуруҳидан ўрин олган бўлиб, унда Эрондан ташқари Таиланд, Малайзия ва Қувайт жамоалари ҳам бор.
