Муроджон Холмуродовни табриклаймиз!
Бугун велоспорт бўйича Ўзбекистон терма жамоаси аъзоси Муроджон Холмуродов ўз таваллуд айёмини нишонламоқда.
Муроджон Холмуродов 1982 йил 11 июнь куни Хоразм вилояти Гурлан туманида таваллуд топган. Кўп йиллар давомида Ўзбекистон шарафини нуфузли мусобақаларда муносиб ҳимоя қилиб келмоқда. 2013 йил Ҳиндистоннинг Нью-Деҳли шаҳрида ўтказилган Осиё чемпионатининг икки карра ғолиби, 2011 ва 2019 йилги қитъа биринчиликлари совриндори. 2018 йил Индонезияда ўтказилган Осиё ўйинларида шосседа ўтказилган индивидуал вақт пойгасида кумуш медални қўлга киритган.
2012 йил Лондонда ўтказилган Олимпия ўйинларида шосседаги гуруҳ пойгасида иштирок этган. 2019 йил апрель ойида Тошкентда ўтказилган велошоссе бўйича Осиё чемпионатидаги иштироки орқали Токио Олимпиадасига йўлланма олди.
Ўзбекистон Миллий Олимпия қўмитаси спортчимизни бугунги таваллуд айёми билан табриклаб, унга узоқ умр ва сиҳат-саломатлик тилаб қолади.
