Париж-2024 лицензиатлари: Иккинчи Олимпиадасида иштирок этадиган Жавраил Шапиев
Париж-2024 йўлланмаларини қўлга киритган спортчиларимизни таништиришда давом этамиз. Бугун Сизларга эркин кураш бўйича -86 кг вазн тоифасида юртимиз шарафини ҳимоя қиладиган полвонимиз Жавраил Шапиев ҳақидаги маълумотларни ҳавола этамиз.
Жавраил Нурмагомедович Шапиев 1997 йил 20 апрель куни Доғистонда туғилган. Эркин бўйича Ўзбекистон терма жамоаси аъзоси. Жавраил 2017 йилдан Ўзбекистон терма жамоаси шарафини ҳимоя қилиб келмоқда. J.Shapiyev терма жамоа бош мураббийи Олим Ҳикматов қўл остида шуғулланади. Курашчимиз Ханчжоу-2022 Осиё ўйинларида бронза, куни кеча Қирғизистонда ўтган Осиё чемпионатида кумуш медални қўлга киритган. Токио-2020 ёзги Олимпия ўйинларида бешинчи натижани қайд этган.
2023 йил Сербияда ўтган жаҳон чемпионатидаги иштироки орқали Париж-2024 ёзги Олимпия ўйинлари йўлланмасини қўлга киритган.
