17 Март 2024
649
Ёш хоккейчиларимиз юртимизда ўтадиган Осиё чемпионатига тайёрланиш учун Қозонга йўл олишди
23-30 апрель кунлари юртимиз хоккей бўйича U18 ёш тоифасидаги Осиё чемпионатига мезбонлик қилади. Мусобақага пухта тайёргарлик кўришни мақсад қилган Ўзбекистон ёшлар терма жамоаси бугун Россия Федерациясининг Қозон шаҳрига йўл олди.
10 кунга мўлжалланган йиғин давомида ёш хоккейчиларимиз ўзларининг техник ва тактик маҳоратларини янада ошириб олишади. Эслатиб ўтамиз, Ўзбекистон терма жамоаси ушбу ёш тоифасида амалдаги Осиё чемпиони ҳисобланади. Бўлажак мусобақа Тошкентдаги “Ҳумо арена” ва Самарқанддаги “Ice Rink” мажмуаларида ўтади.
