3 Март 2024
359
Ёш гандболчиларимиз жаҳон чемпионати йўлланмасини қўлга киритишди
Гандбол бўйича IHF Trophy турнирининг қитъалараро босқичи якунига етди. Қувонарлиси, унда иштирок этган Ўзбекистон U20 жамоаси қизлари финалда буюк британиялик рақибалари устидан ғалаба қозониб, олтин медаль билан бирга ушбу ёш тоифасидаги жаҳон чемпионати йўлланмасини ҳам қўлга киритди. Шунингдек, 18 ёшгача бўлган спортчилар ўртасида бронза медали учун кечган беллашувда юртдошларимиз янги каледониялик рақибаларини мағлубиятга учратишди.
Финал, U20
Ўзбекистон – Буюк Британия 33:23
Бронза медали учун, U18
Ўзбекистон – Янги Каледония 24:18
