26 Февраль 2024
612
Каратэчиларимиз Ёшлар лигасида 11 та медалга сазовор бўлишди
БААнинг Фужайра шаҳри мезбонлик қилаётган каратэ WKF бўйича Ёшлар лигасида Ўзбекистон терма жамоасининг иштироки якунланди. Мусобақада ҳамюртларимиз 3 та олтин, 2 та кумуш ва 6 та бронза, жами 11 та медалга сазовор бўлишди.
Турнирнинг якуний кунида Жавоҳир Жаҳонгиров 14 ёшгача бўлган ўсмирлар тоифасида ката дастурида олтин медални қўлга киритди. Шунингдек, Солижон Соибов (-50 кг) кумитэ йўналишида шоҳсупанинг учинчи поғонасидан жой олди.
Қайд этиш жоиз, ушбу натижа орқали спортчиларимиз жаҳон чемпионати йўлланмаси учун қимматли рейтинг очколарини жамғаришди.
