24 Февраль 2024
590
Оксана Чусовитинага мухлислик қиламиз
Бугун Германиянинг Котбус шаҳрида спорт гимнастикаси бўйича Жаҳон кубогининг 2-босқичида финал беллашувлари бошланади. Хабар берганимиздек, унда дунё гимнастикаси афсонаси Оксана Чусовитина таяниб сакраш дастурида медаллар учун баҳс олиб боради.
Жаҳон кубоги босқичларининг якунида Париж-2024 ёзги Олимпия ўйинларининг йўлланмалари ўйналади. Бугун юртдошимиз шоҳсупага кўтарила олса, ўзининг тўққизинчи Олимпиадаси сари катта қадам ташлаган бўлади. Бугунги финал олдидан Халқаро Олимпия қўмитасининг медиа бўлими юртдошимиз ҳақида ажойиб видеоролик тайёрлади.
