20 Февраль 2024
608
Юнон-рум курашчиларимиз Тошкентда йиғин ўтказишмоқда
Юнон-рум кураши бўйича Ўзбекистон терма жамоаси учун масъулиятли мусобақалар етиб келмоқда. Спортчиларимиз ҳозирда Тошкентда ўқув-машғулот йиғинини олиб боришяпти.
Жамоа 2023 йил сентябрда ўтган жаҳон чемпионати орқали Париж-2024 ёзги Олимпия ўйинларига 2 та йўлланма қўлга киритган эди. Эндиги мақсад апрель ойида Қирғизистонда ташкил этиладиган Осиё, майда Туркия мезбонлик қиладиган жаҳон лицензион турнирлари орқали қолган вазнларда ҳам максимал йўлланмаларни жамғариш. Лицензиатлар Исломжон Баҳромов ва Арам Варданян эса Осиё чемпионатида Олимпиадага тайёргарликларини синовдан ўтказиб олишади.
