16 Февраль 2024
618
Сузувчиларимиз жаҳон чемпионатидаги иштирокларини якунлашди
Ўзбекистон терма жамоаси учун сув спорти турлари бўйича жаҳон чемпионати якунига етди. Маълум қилганимиздек, Қатар пойтахти мезбонлик қилаётган турнирнинг бугунги кунида Элдор Усмонов 100 метрга баттерфляй усулида сузиш дастурида қатнашди.
Ҳамюртимиз 52.83 сония ичида маррага етиб келди. Афсуски, бу натижа унга ярим финалга чиқиш учун етарли бўлмади. Шу тариқа, мазкур дунё биринчилиги сувга сакраш бўйича терма жамоамиз аъзоси Игорь Мялиннинг қўлга киритган Париж-2024 ёзги Олимпия ўйинлари йўлланмаси билан ёдда қолмоқда.
