Велоспортчиларимиз "UAE Tour" турнирида иштирок этишади
Бугун БААнинг Дубай шаҳрида велоспортнинг шоссе йўналиши бўйича "UAE Tour" кўп кунлик пойгаси старт олади. Мазкур мусобақада "Tashkent City Professional Women's Cycling Team" жамоаси ҳам қатнашади.
Турнир 11 февралга қадар давом этиб, унда спортчилар турли даражадаги мураккаб босқичларни ўз ичига олган баҳсларда иштирок этишади. Дастурга кўра, бугун "Dubai Miracle Garden" ва "Dubai Harbour" манзиллари орасидаги 122 кмдан иборат биринчи босқич беллашувлари ўтказилади. Жамоа мусобақада қуйидаги таркибда қатнашади:
Ольга Забелинская
Маргарита Мисюрина
Янина Кускова
Нафосат Козиева
Анна Кускова
Мадина Қаҳҳорова
Эслатиб ўтамиз, мазкур дастурда Париж-2024 Олимпия ўйинларига Ўзбекистон аёллар терма жамоаси ҳисобида 3 та, шунингдек, йигитларимизда 1 та йўлланма мавжуд. Мусобақа қизларимизга 4 йилликнинг энг асосий стартига тайёргарлик вазифасини бажариб беради.
