13 Январь 2024
805
Боксчиларимиз Янгиободда илк йиғинни бошлашди
Бокс бўйича Ўзбекистон терма жамоаси навбатдаги мавсумга тайёргарликни Янгиободда олиб бормоқда. 4 январь куни бошланган йиғин 26 январгача давом этади.
Ушбу йиғин боксчиларимизга келаси ой Испания ва Болгарияда ўтадиган халқаро мусобақаларга тайёргарлик вазифасини ўтаб беради. Қайд этиш жоиз, терма жамоа вакиллари билан бирга профессионал рингда фаолият олиб бораётган Исроил Мадримов ҳамда россиялик собиқ жаҳон чемпиони Сергей Ковалёв ҳам шуғулланмоқда.
