8 Январь 2024
748
Абдураимова Австралия очиқ чемпионатининг саралаш босқичида қатнашади
Австралиянинг Мельбурн шаҳрида теннис бўйича “Катта дубулға” таснифига кирувчи Австралия очиқ чемпионатининг саралаш босқичи бошланмоқда. Унда ҳамюртимиз Нигина Абдураимова аёллар ўртасида яккалик дастурида иштирок этади.
Теннисчимиз илк босқични Токио-2020 Олимпиадаси совриндори, бразилиялик Лаура Пигоссига қарши ўтказади. Беллашув Тошкент вақти билан 10 январь куни соат 04:00 да старт олади. Пигосси айни пайтда жаҳон тасниф жадвалида 119, Абдураимова эса 212-поғонани эгаллаб турибди. Бўлажак қарама-қаршилик 29 ёшли ҳар икки теннисчилар учун ўзаро илк тўқнашув бўлади.
