25 Декабрь 2023
934
Мерганларимиз лицензион мусобақаларга тайёргарлик кўришмоқда
Ўқ отиш ва стенддан отиш бўйича Ўзбекистон терма жамоаси аъзолари айни кунларда БААнинг Ал Айн шаҳрида ўқув-машғулот йиғинини олиб боришмоқда. Ушбу йиғин келаси ой ўтадиган литсензион Осиё чемпионатларига тайёргарлик вазифасини ўтаб беради.
Ўқ отиш бўйича жамоамиз келаси йилнинг 2 январь куни Индонезияга, стенддан отиш бўйича мерганларимиз эса 10 январь куни Қувайтга йўл олишади. Ҳар икки жамоамиз ҳам Париж-2024 Олимпиадасига йўлланма берувчи қитъа биринчилигида иштирок этиши режалаштирилган. Айни пайтда йиғин ўзининг сўнгги босқичида бўлиб, мураббийлар штаби спортчиларни махсус дастур асосида шуғуллантирмоқда.
