14 Декабрь 2023
1118
Ўзбек велоспортида хушхабар
“Tashkent City Women Professional Cycling Team” аёллар жамоаси келаси мавсум ушбу спорт туридаги энг нуфузли мусобақаларда иштирок этиш имкониятига эга бўлди.
Жамоамиз шоссе мавсумида “Tour De France Femmes Avec Zwift”, “Tour De L'avenir”, “Giro d'italia”, “Strade Bianche”, “La Vuelta Ciclista A España” турнирларида қатнашади. Қайд этиш жоиз, шоссе бўйича Ўзбекистон аёллар терма жамоаси Париж-2024 Олимпиадасига 3 та йўлланма қўлга киритган. Мазкур мусобақалар жамоамизнинг халқаро майдондаги нуфузи ортиб бораётганини кўрсатиш баробарида спортчиларимиз учун Олимпия ўйинларига муносиб тайёргарлик вазифасини ҳам ўтаб беради.
