Токио-2020 Олимпия ўйинларига 50 кун қолди!
Бугун Япония пойтахти Токио шаҳрида бўлиб ўтадиган XXXII ёзги Олимпия ўйинларининг старт олишига роппа-роса 50 кун қолди.
23 июль куни барчанинг нигоҳи кунчиқар юрт пойтахтига қаратилади. Халқаро Олимпия қўмитаси ва Япония ҳукумати мазкур Олимпиадани барча учун хавфсиз ва юқори савияда ўтказиш учун тайёргарлик олиб бормоқда.
Ўз навбатида, ҳукуматимизнинг қўллаб қувватлаши билан Туризм ва спорт вазирлиги ҳамда Ўзбекистон Миллий Олимпия қўмитаси мазкур мусобақага катта ҳажмда ҳозирлик олиб бормоқда. Бир қатор спорт турларида лицензион давр якунланиб, атлетларимиз Олимпиада медалини кўзлаб машғулот қилишаётган бўлса, баъзи йўналишларда сўнгги лицензион мусобақага тайёргарлик кўрилилмоқда. Насиб қилса, бўлғуси Олимпиадада ҳам халқимиз ва Президентимизга катта қувонч улашамиз.
