18 Ноябрь 2023
936
Расман: Ўсмирларимиз плей-офф босқичига йўл олишди!
Индонезия яшил майдонларида ўтаётган футбол бўйича U-17 жаҳон чемпионатида гуруҳ босқичи беллашувлари деярли якунига етди. Эътиборли томони, унда иштирок этаётган Ўзбекистон терма жамоаси плей-офф босқичига йўл олди.
«В» гуруҳидан ўрин олган ёшларимиз 4 очко жамғариб, учинчи ўринни қўлга киритган эди. Регламентга кўра, барча гуруҳлар ичида энг кўп очко тўплаган 4 та учинчи ўрин эгалари нимчорак финал иштирокчисига айланади. Бу борада жамоамиз тўртинчи натижа билан плей-офф масаласини ижобий ҳал қилди.
Энди ҳамюртларимиз 22 ноябрь куни Жакарта шаҳрида «С» гуруҳида биринчи ўринни эгаллаган англиялик ўсмирларга қарши майдонга чиқишади. Бўлажак баҳсда футболчиларимизга омад тилаймиз!
