Ру En O'z
31 Май 2021 1743

Йигитларимиз Осиёда ким кучли эканини яна бир карра кўрсатиб қўйишди

БААда бокс бўйича Осиё чемпионати ўз якунига етди. Маълум қилганимиздек, бугун эркаклар ўртасида финал жанглари ўтказилди.

10 вазн тоифасидан 7 тасида ҳамюртларимиз қитъа чемпионлиги учун баҳс олиб боришди. Уларнинг 6 нафари эса терма жамоамиз ҳисобига олтин медалларни тақдим қилди. Марказий жанг +91 кг вазн тоифасида Баҳодир Жалолов ва Камшибек Конкабаев ўртасида кечди. Жанг давомида тўлиқ устунлик қилган Жалолов якунда яна бир ғалабани тантана қилди. Батафсил:

-49 кг: Нодиржон Мирзаҳмедов – Даниял Сабит (Қозоғистон) 5:0
-52 кг: Шаҳобиддин Зоиров – Амит (Ҳиндистон) 3:2
-56 кг: Миразизбек Мирзахалилов – Харку Энх-Амар (Мўғулистон) 2:3
-69 кг: Бобоусмон Батуров – Аблайхан Жусупов (Қозоғистон) 3:2
-75 кг: Саиджамшид Жаъфаров – Абилхан Аманкул (Қозоғистон) 4:1
-81 кг: Дилшодбек Рўзметов – Мейсам Гешлаги (Эрон) 3:2
+91 кг: Баҳодир Жалолов – Камшибек Конкабаев (Қозоғистон) 5:0

Шу тариқа, боксчи йигитларимиз ўз йўналишларида умумжамоа ҳисобида биринчи ўринни қўлга киритишди. Эркаклар жамоамиз ушбу чемпионатни 6 та олтин, 1 та кумуш ва 3 та бронза, жами 10 та медаль билан якунлашди.

Ўзбекистон Миллий Олимпия қўмитаси боксчиларимизни, уларнинг мураббийларини ва Ўзбекистон бокс федерациясини Осиё чемпионатидаги яна бир муваффақият билан самимий қутлаб қолади.

Text to speech