10 Ноябрь 2023
810
Конкур усталари халқаро мусобақада беллашишди
Тошкентдаги “Universal Horses Stable” мажмуасида конкур бўйича “FEI Jumping Challenge Tashkent 2023” халқаро мусобақаси бўлиб ўтди. Уч босқичда ташкил этилган мазкур мусобақани баҳолаб бориш учун 3 юлдузли халқаро тоифадаги ҳакам С.М.Буйкевич ташриф буюрди.
Қизиқарли беллашувлар давомида Мария Душенко (“Ласинос Бой” лақабли отда) «А», Дилшод Шокиров (“Алонсо 43”) «В», София Тошматова («Флайт») ва Убайдуллоҳ Фозилхўжаев («Чемпион») «С» тоифасидаги беллашувларда юқори натижа кўрсатишди. Мусобақа якунида ғолиб ва совриндорларга ташкилий қўмитанинг эсдалик совғалари тақдим этилди.
