10 Ноябрь 2023
821
II Туркий давлатлар универсиадаси ўйинларида умумжамоа ҳисобида биринчи бўлган Ўзбекистон делегацияси кутиб олинди
Жорий йилнинг 5-9 ноябрь кунлари Қозоғистоннинг Туркистон шаҳрида II Туркий давлатлар универсиадаси ўйинлари ўтказилди. Унда Ўзбекистон делегацияси 15 та олтин, 11 та кумуш ва 10 та бронза, жами 36 та медаль билан умумжамоа ҳисобида биринчи ўринни қўлга киритди.
Бугун мусобақада муваффақиятли иштирок этган делегациямиз тантанали кутиб олинди. Тадбирда Шаҳрулло Маҳмудов бошчилигидаги Ёшлар сиёсати ва спорт вазирлигининг мутасаддилари, федерациялар масъуллари иштирок этишди. Ш.Маҳмудов талаба спортчиларимизни эришган ғалабалари билан қутлаб, уларга келгуси фаолиятларида ҳам улкан зафарлар тилади.
