9 Ноябрь 2023
1034
Осиё чемпионати якунланди. Навбат лицензион турнирга
Таиланднинг Бангкок шаҳрида камондан отиш бўйича Осиё чемпионати ўз якунига етди. Мазкур мусобақа жамоавий дастурда Париж-2024 Олимпия ўйинлари йўлланмасини тақдим қилиши билан аҳамиятли эди.
Афсуски, Ўзбекистон терма жамоаси аъзолари қитъа биринчилигида шоҳсупага кўтарила олишмади. Энди юртдошларимиз ушбу шаҳарнинг ўзида Осиё қитъаси вакиллари учун ўтадиган лицензион мусобақада ўз омадини синаб кўришади. 10-12 ноябрь кунларига мўлжалланган мазкур турнирда шу пайтгача йўлланма ололмаган атлетлар орасида энг яхши натижа кўрсатган икки мерган шахсий дастурда Олимпиада иштирокчисига айланади.
