23 Октябрь 2023
915
Ханчжоу-2022: Шоҳсупани тўлиқ ўзбекистонлик пара-сузувчилар эгаллашди
Пара Осиё ўйинларидан хушхабар давом этади. Навбат пара-сузиш беллашувларига. Эркаклар ўртасида 100 метрга баттерфляй усулида сузиш бўйича кечган S13 тоифасидаги беллашувлар Ўзбекистон терма жамоаси учун муваффақиятли ўтди. Қувонарлиси, унда барча совринли ўринлар ҳамюртларимизга насиб этди. Музаффар Турсунхўжаев, Ислам Асланов ва Кирилл Паньков мос равишда олтин, кумуш ҳамда бронза медалларини бўлишиб олишди.
