20 Октябрь 2023
839
Спортчиларимиз Бутунжаҳон жанговар спорт ўйинларида иштирок этишади
Бугун Саудия Арабистонининг Ар Риёд шаҳрида Бутунжаҳон жанговар спорт ўйинлари старт олди. 30 октябрга қадар давом этадиган мусобақада дунёнинг 124 мамлакатидан ташриф буюрган 1600 нафарга яқин спортчи медаллар учун кураш олиб боради.
Хусусан, Ўзбекистон делегацияси ҳам мазкур мусобақада қатнашади. Ҳамюртларимиз 8 спорт турида (дзюдо, француз бокси, самбо, кикбоксинг, белбоғли кураш, ушу, панкратион ва греплинг) 40 нафардан ортиқ атлет билан мамлакатимиз шарафини ҳимоя қилиши кутилмоқда. Мусобақа тафсилотлари ва ҳамюртларимизнинг ундаги чиқишларини «Спорт» телеканали орқали кузатиб боришингиз мумкин.
