16 Октябрь 2023
913
Волейболчиларимиз халқаро мусобақада кумуш медалга сазовор бўлишди
Волейбол бўйича Ўзбекистон эркаклар терма жамоаси Шри-Ланкадаги ''CAVA Men's volleyball challange cup Colombo 2023'' турниридаги иштирокини якунлади. Хабар берганимиздек, йигитларимиз финалда мезбон жамоага қарши баҳс олиб боришди.
Қизиқарли учрашувда шри-ланкаликлар 3:0 ҳисобида ғалаба қозонишди ва ҳамюртларимизга кумуш медаллар насиб этди. Аҳамиятли томони, терма жамоамиз аъзоларидан Мирзиёд Муродов “Энг яхши тўп узатувчи”, Азизбек Қўчқоров эса “Энг яхши блокчи” номинацияларида ғолиб бўлишди.
