29 Май 2021
1674
Ажойиб! Истоминнинг асосий даврадаги рақиби аниқ
Хабар берганимиздек, теннисчимиз Денис Истомин Парижда ўтказилаётган Франция очиқ чемпионати – “Роланд Гаррос-2021” мусобақасининг асосий даврасига йўл олган. Айни пайтга келиб, ҳамюртимизнинг ушбу босқичдаги рақиби аниқ бўлди.
Унга кўра, Истомин асосий даврани швейцариялик машҳур Рожер Федерерга қарши бошлайди. “Катта дубулға” турнирларининг 20 карра ғолибига қарши кечадиган баҳс эртага Тошкент вақти билан соат 14:00 да старт олиши кутилмоқда.
Ҳар икки теннисчи айни пайтгача 7 бор тўқнаш келган бўлиб, уларнинг барида Федерер ғалаба қозонган. Яна бир жиҳати, ҳамюртимиз фаолиятидаги илк “Катта дубулға” турнирини 2006 йил АҚШ очиқ чемпионатида айнан Рожер Федерерга қарши бошлаган эди.
