Бугун Хитойнинг Тайюань шаҳрида таэквондонинг WT йўналиши бўйича Гран-при мусобақаси старт олди. Унда қатнашаётган Ўзбекистон терма жамоаси илк медалига сазовор бўлди.

-49 кг вазн тоифасида баҳс олиб борган ҳамюртимиз Мадинабону Маннопова бронза медалини қўлга киритди. Спортчимиз мусобақа давомида Туркия, Марокаш, Саудия Арабистони вакилларини мағлубоятга учратди. Бироқ ярим финалда хитойлик рақибига имкониятни бой берди ва мусобақани учинчи ўринда якунлади.

Эслатиб ўтамиз, спортчимиз яқинда якунига етган Ханчжоу-2022 Осиё ўйинларида ҳам бронза медалига сазовор бўлган эди.