6 Сентябрь 2023
835
Стол теннисчиларимиз ЖЧ йўлланмасини қўлга киритишди
Стол тенниси бўйича Ўзбекистон терма жамоаси Жанубий Кореянинг Пхёнчхан шаҳрида ташкил этилаётган Осиё чемпионатида иштирок этиши ҳақида хабар берган эдик. Айни пайтга келиб, жамоавий йўналишда кучлилар сараланди.
Ўзбекистон стол тенниси федерациясининг маълум қилишича, мусобақада аёллар терма жамоамиз кучли ўнликдан жой олиб, келаси йил ушбу мамлакатнинг Пусан шаҳрида ўтадиган жаҳон чемпионати йўлланмасини қўлга киритди. Эркаклар жамоамиз эса чемпионатни 15-ўринда якунлади.
Эртага ҳамюртларимиз яккалик ва жуфтлик дастурларидаги иштироклари билан мусобақани давом эттиришади.
