24 Август 2023
956
Иноят Телманов жаҳон чемпионтида совриндор бўлди
Загребдан навбатдаги хушхабар. Ўсмирлар ўртасида ўтаётган дзюдо бўйича жаҳон чемпионатида яна бир ҳамюртимиз совриндорлар қаторидан жой олди.
-66 кг вазн тоифасида баҳс олиб борган Иноят Телманов бронза медалига эга чиқди. Ҳамюртимиз учинчи ўрин учун кечган муросасиз беллашувда грузиялик Гиорги Дуларидзедан устун келди.
Эслатиб ўтамиз, бу терма жамоамизнинг мусобақадаги иккинчи медали. Кечаги беллашувларда Лазиза Ҳайдарова (-44 кг) ҳам шоҳсупанинг учинчи поғонасига кўтарилган эди.
