20 Август 2023
999
Жаҳон чемпионатида яна бир медаль
Спорт курашлари бўйича Ўзбекистон ёшлар терма жамоаси Иорданиядаги жаҳон чемпионатида ўз иштирокини якунлади. Ҳамюртларимиз юнон-рум кураши баҳсларида битта бронза медалига эга чиқишди.
Мазкур медалга -55 кг вазн тоифасида қатнашган Алишер Ғаниев муаллифлик қилди. Полвонимиз учинчи ўрин учун кечган баҳсда эронлик Али Абдуллоҳ Аҳмадини 9:0 ҳисобида мағлубиятга учратди.
Шу тариқа, мазкур дунё биринчилигини терма жамоамиз 2 та бронза медали билан якунлади. Эслатиб ўтамиз, эркин кураш баҳсларида Нодирбек Жуманазаров (-57 кг) ҳам учин ўринни эгаллаган эди.
