7 Август 2023
882
«Олимпик»нинг чорак финални қачон ўтказиши аниқ
Футбол бўйича Ўзбекистон кубогининг чорак финал доирасидан ўрин олган учрашувлар санаси маълум қилинди. Унга кўра, бош соврин учун кураш олиб бораётган МОҚ қошидаги «Олимпик» клуби ярим финал йўлланмаси учун 31 август куни баҳс олиб боради.
Мазкур учрашувда футболчиларимиз Вадим Абрамов бошчилик қилаётган Самарқанднинг «Динамо» клубига қарши майдонга чиқишади. Эслатиб ўтамиз, нимчорак финалда «Олимпик» “Андижон SGS” клубини, «Динамо» эса «Пахтакор»ни мусобақадан чиқариб юборган эди.
