Мисрнинг Искандария шаҳрида ўтказилаётган замонавий бешкураш бўйича ўсмирлар ўртасидаги жаҳон чемпионатидан хушхабар. Қизлар тоифасидаги баҳсларда иштирок этган юртдошимиз Самира Абзалова саралашдан муваффақиятли ўтиб, финал босқичига йўл олди.

“А” гуруҳидаги квалификацияда иштирок этган Абзалова қиличбозлик ва тўсиқлардан сакраш йўналишларида 250 очкодан, сузиш дастурида 243 ҳамда лазер-ран йўналишида 484, жами 1227 очко жамғаришга муваффақ бўлди. Бу “В” гуруҳи вакиллари билан ҳисоблаганда, умумий саралаш босқичидаги тўртинчи натижа.

Энди Самира Абзалова 15 июль куни финал босқичида медаллар учун кураш олиб боради. Афсуски, ушбу гуруҳда Кира Цойнинг жамғарган 810 очкоси саралашдан ўтиш учун етарли бўлмади.