10 Июль 2023
804
Қиличбозларимиз Европага йўл олишди
Кеча тунда қиличбозлик бўйича Ўзбекистон терма жамоаси халқаро ўқув-машғулот йиғинида иштирок этиш учун Европага йўл олди. Ҳамюртларимиз 22 июль куни Миланда бошланадиган жаҳон чемпионатига тайёргарликнинг сўнгги босқичини “кўҳна қитъа”да ўтказишади.
Терма жамоа мураббийларининг режасига мувофиқ, сабля (6 нафар спортчи) ҳамда рапира (5) қуролларидаги спортчиларимиз Венгриянинг Будапешт шаҳрида, шпагачиларимиз (8) эса Испаниянинг Альмерия шаҳрида шуғулланишади. Мазкур йиғинлар якунланганидан кейин спортчиларимиз тўғри Милан шаҳрига йўл оладилар.
