6 Июль 2023
1208
Бекзод Қурбонов Польшадаги турнирда қатнашади
Конкур бўйича Ўзбекистон терма жамоаси бош мураббийи ва сардори Бекзод Қурбоновнинг Европадаги иштироки давом этади. Ҳамюртимиз бугун Польшанинг Идзиковице шаҳарчасида бошланадиган CSI 2* таснифидаги турнирда қатнашади.
Мусобақада спортчимиз Германия, Бельгия, Польша, Словакия, Латвия, Эстония, Литва каби мамлакатларнинг сара чавандозлари билан беллашади. 9 июлга қадар давом этадиган турнирда 100 нафарга яқин атлет иштирок этади. Беллашувларда юртдошимизга янги тулпори “Santos Hippica” ҳамроҳлик қилади.
