5 Июль 2023
1186
Замонавий бешкурашчиларимиз Миср йиғинида
Маълум қилганимиздек, шу кунларда замонавий бешкураш бўйича Ўзбекистон ёшлар терма жамоаси Мисрнинг Искандария шаҳрида халқаро ўқув-машғулот йиғинини ўтказмоқда. Машғулотлар Араб илм-фан ва денгиз транспорти технологиялари академиясида олиб бориляпти.
17 ёшгача бўлган спортчилар ўртасидаги жаҳон чемпионати олдидан ташкил этилаётган ушбу йиғин орқали атлетларимиз улкан тажриба тўплашмоқда. Режага мувофиқ, 26 июнь куни бошланган йиғин 12 июлга қадар давом этади.
