1 Июль 2023
1119
“MAXIMA MASTERS Eurasia Cup” турнирида навбатдаги муваффақиятлар
Россиянинг Москва вилоятида ўтаётган конкур бўйича “MAXIMA MASTERS Eurasia Cup” турниридан яна бир хушхабар. Ҳамюртларимиз ортда қолган галдаги дастурларда 2 та бронза медалларига сазовор бўлишди.
Тўсиқ баландлиги 130 смни ташкил этган жамоавий беллашувларда юртдошларимиз фахрли учинчи ўринни эгаллашди. Беллашувларда Иброҳим Йўлдошев, Бекзод Рўзмуҳамедов ҳамда Аъзам Толиббоев мамлакатимиз шарафини ҳимоя қилдилар. Мусобақада олтин медаллар Қирғизистон, кумуш эса Россия термасига насиб этди.
Шунингдек, болалар ўртасидаги Гран-при дастурида (110 см) Фирдавсбек Давронбеков учинчи ўринни эгаллади. Беллашувларда юртдошимиз “Гвендулайн” лақабли тулпори билан ҳаракат қилди.
