Бокс бўйича Ўзбекистон эркаклар терма жамоаси аъзолари олдинда турган муҳим мусобақаларга тайёргарликни давом эттиришмоқда. Айни пайтда вакилларимиз Тошкент вилояти Ангрен шаҳри Янгиобод масканидаги базада навбатдаги йиғинни олиб боришмоқда.

15 июнь куни бошланган йиғин жорий ой якунига қадар давом этади. Ушбу машғулотлар орқали вакилларимиз бир неча халқаро турнирлар, шунингдек Хитой мезбонлик қиладиган Осиё ўйинларига ҳозирлик кўришмоқда.