19 Июнь 2023
1005
Велоспортчиларимиз мэдисон йўналишида шоҳсупага кўтарилишди
Малайзияда ўтаётган велотрек бўйича Осиё чемпионатидан яна бир хушхабар. Бу гал ҳамюртларимиз Ольга Забелинская ҳамда Нафосат Козиева жуфтликда совриндорлар қаторидан жой олишди.
Спортчиларимиз муросасиз курашларга бой бўлган медисон йўналишида бронза медалига сазовор бўлдилар. Пойгада япониялик спортчилар олтинни қўлга киритишган бўлса, кореяликлар тандеми кумуш медалга эга бўлди. Бу терма жамоамиз учун мусобақадаги учинчи медаль бўлди. Бунгача юртдошларимиз биттадан кумуш ва бронза медалларига сазовор бўлишган эди.
