13 Июнь 2023
957
Хуршидбек Алимжоновдан навбатдаги ғалаба
Россиянинг Москва вилоятида жойлашган “Emerald Stables” от спорти мажмуасида конкур бўйича халқаро мусобақа ўтказилди. Унда қатнашган Ўзбекистон терма жамоаси аъзоси Хуршидбек Алимжонов қизиқарли дастурлардан бирида ғалаба қозонди.
Ҳамюртимиз «Speed&music» номини олган 130 см баландликдаги тўсиқлардан сакраш дастурида энг яхши натижани қайд этиб, олтин медалга сазовор бўлди. Беллашувлар давомида чавандозимизга “Champions ligas” лақабли тулпори ҳамроҳлик қилди. Спортчимизнинг келгуси фаолиятида ҳам муваффақият тилаб қоламиз.
