2 Июнь 2023
673
Омонжон Отажонов дебют жаҳон чемпионатидаёқ бронза медалини қўлга киритди!
Озарбайжонда ўтаётган таэквондо бўйича жаҳон чемпионатининг бугунги кунини Ўзбекистон терма жамоаси бронза медали билан якунлади. -54 кг вазн тоифасида баҳс олиб борган Омонжон Отажонов мусобақани учинчи ўринда тугатди.
Юртдошимиз шиддатли ярим финал жангида жанубий кореялик Тае-Жун Парк билан баҳс олиб борди. Афсуски, беллашувда Отажонов 1:2 ҳисобида имкониятни бой берди ва шоҳсупанинг учинчи поғонасидан жой олди. Қайд этиш жоиз, бу ёш спортчимизнинг катталар ўртасидаги жаҳон чемпионатида дебют иштироки эди. Унинг келгуси фаолиятида ҳам омад тилаймиз.
